Kort om oss

Skilbrei Ungdomssenter er NLM Fjordane krins sin leirstad. Ungdomssenteret ligg ved E 39 i Gaular kommune,  12 km sør for Førde, og med berre 3 km til Førde sin flyplass, Bringeland. Du kan endre målestokken i kartet til høgre.

 

Skilbrei Ungdomssenter ligg i eit fint og fritt naturområde, med utsikt både mot mektige fjelltoppar og stille vatn. Staden vert ofte nytta til ulike typar leirar og arrangement i NLM sin regi. Vi driv og med utleige til lag, organisasjonar og privatpersonar og har såleis mange ulike arrangement anten det er selskap, kurs og konferansar. På Skilbrei Ungdomssenter er det òg mogelegheit til å overnatte. Vi har sengeplassar til omtrent 50 personar. I internatetasjen er det 18 rom med 1 - 5 senger. Det er servant på kvart rom, men felles dusj/toalett.  Vidare har senteret m.a. eit godt utstyrt kjøkken, matsal, møtesal, peisestove og aktivitetsrom.

I aktivitetsområdet er det ei rekkje spel, slik som eit stort biljardbord, bordtennis, fotballspel, jacollo, couronne, landhockey m.m. Utandørs ligg alt til rette for ulike aktivitetar i nær kontakt med naturen. Her er gode mogelegheiter til fotturar i fin fjellnatur med utgangspunkt frå Skilbrei Ungdomssenter. Ikkje langt unna kan ein òg prøve fiskelukka, eller dra til populære badestader. Det er òg svært gode forhold for skigåing i området. På vårt eige uteområde har vi m.a. ei fotballbane og ballvegg, klatrevegg, to trampoliner, leikeapparat og minigolf.

Velkommen til Skilbrei Ungdomssenter!

Kart

Vêret på Skilbrei